پاکستان کے فاسٹ باؤلر شاہین شاہ آفریدی کو میلبورن میں اتوار کے آئی سی سی مینز
ٹی ٹوئنٹی ورلڈ کپ 2022 کے فائنل کے دوران ہیری بروک کا کیچ لیتے ہوئے جارحانہ انداز میں ڈائیو لگانے کے بعد سخت قسم کی انجری کا شکار ہوگئے تھے جس وجہ سے وہ میچ میں اپنے باقی کے دو اوور بھی مکمل نہ کرسکے ۔
ٹیم کی پاکستان روانگی سے قبل پیر کی صبح کیے گئے اسکین نے اس بات کی تصدیق کی ہے کہ انجری کے کوئی آثار نہیں ہیں اور ممکنہ طور پر گھٹنے میں تکلیف “لینڈنگ کے دوران گھٹنے میں زبردستی موڑنے کی وجہ سے” تھی۔اسکین پر پی سی بی کے چیف میڈیکل آفیسر ڈاکٹر نجیب اللہ سومرو اور آسٹریلوی گھٹنے کے ماہر ڈاکٹر پیٹر ڈی الیسنڈرو کے درمیان بات چیت ہوئی اور یہ جان کر یقین دہانی کرائی گئی کہ کوئی انجری نہیں ہے۔ بائیں ہاتھ کے تیز گیند باز بہتر محسوس کر رہے ہیں اور ان کے حوصلہ بلند ہیں۔
شاہین ایک بحالی اور کنڈیشنگ پروگرام سے گزریں گے جو پاکستان واپسی کے چند دنوں بعد نیشنل ہائی پرفارمنس سینٹر میں ان کے گھٹنے کو مضبوط کرنے کے لیے ڈیزائن کیا گیا ہے۔شاہین کی انٹرنیشنل کرکٹ میں واپسی چیمپئن فاسٹ باؤلر کے بحالی پروگرام کی کامیاب تکمیل اور طبی عملے کی طرف سے آگے بڑھنے سے مشروط ہوگی۔
Sharing is caring!
