محمد حارث کی سلیکشن پر سوال اٹھانے والے شاہد آفریدی بھی حارث کی پرفامنس دیکھ کر ان کی تعریف کرنے لگے

پاکستان کرکٹ ٹیم کے سابق کپتان شاہد آفریدی نے ٹی ٹوئنٹی ورلڈ کپ کے سیمی فائنل میں پہنچنے پر قومی ٹیم کے لیے پیغام جاری کیا ہے۔ بنگلا دیش کو شکست دینے کے بعد شاہد آفریدی نے سماجی رابطے کی ویب سائٹ ٹوئٹر پر پیغام جاری کیا ہے۔ شاہد آفریدی نے لکھا ہے کہ ویل ڈن بوائز، حارث کو بیٹنگ کرتا دیکھ کر بہت خوشی ہوئی۔

اس کے علاوہ شاہد آفریدی نے کپتان بابر اعظم سے اپیل کی ہے کہ وہ ون ڈاؤن آکر نمبر 3 پر بیٹںگ کریں۔ بنگلا دیش کو شکست دینے کے بعد شاہد آفریدی نے سماجی رابطے کی ویب سائٹ ٹوئٹر پر پیغام جاری کیا ہے۔ شاہد آفریدی نے بابر اعظم کو ٹیگ کرتے ہوئے لکھا کہ بابر اعظم ہمیں ٹاپ آڈر میں فائر پاور کی ضرورت ہے ان لڑکوں کی جو انٹینٹ دکھا رہے ہیں جیسے حارث اور شاداب۔ پلیئز حارث کو رضوان کے ساتھ اوپننگ کروانے پر غور کریں آپ ون ڈاؤن آکر کھیلیں اور پھر اپنے بیسٹ ہٹر(شاداب) کو لائیں۔

آپ کو میچ جیتنے کے لئے بضد ہونا چاہیے اور بیٹنگ لائن اپ کو بیلنس کرنے کے لئے فلیکسبل ہونا چاہیے۔ یہ وہی شاہد آفریدی ہیں جنہوں نے کچھ  دن پہلے حارث کی سلیکشن پر سوال اُٹھاتے ہوئے کہا تھا کہ چیف سلیکٹر نے بے وقوفی کی سلیکشن کی ہے کیا پاکستان کے لئے کھیلنا اتنا آسان ہے آپ اس کھلاڑی کو کیسے سلیکٹر کر سکتے ہیں جس نے صرف دو ٹی ٹوئنٹی میچز میں پرفارم کیا۔

میں خود بھی نوجوان پلیئرز کی سلیکشن کو سپورٹ کرتا ہوں لیکن اسے ڈومسٹک تو کھیلنے دیں آپ کے پاس رضوان کے ساتھ سرفراز بھی ہے رضوان کی کرکٹ ختم تو نہیں ہو گئی جو آپ ایک اور پلیئر لے آئے ہیں۔ واضح رہے کہ پاکستان سیمی فائنل کے لئے کوالفائی کر گیا ہے۔ انڈیا، پاکستان، نیوزی لینڈ اور انگلینڈ سیمی فائنل میں ان ایکشن نظر آئیں گے۔

Sharing is caring!