پاکستان کی ٹیم کو آل راؤنڈر کی کمی بھاری پڑنے لگی۔۔‘پی سی بی اس کھلاڑی پر کام کرے’ اس میں پاکستان کا ہاردک پانڈیا بننے کے سارے گر موجود ہیں

پاکستان کی ٹیم ٹی ٹوئنٹی ورلڈ کپ کے لئے اسٹریلیا میں موجود ہے، پہلا میچ پاکستان نے بھارت سے کھیلا جس میں پاکستان کو ایک آل راؤنڈر کی کمی محسوس ہوئی کیونکہ پاکستان کے پاس کوئی فاسٹ بولنگ آل راؤنڈر نہیں ہے جس طرح بھارت کے پاس ہاردک پانڈیا ہے۔ محمد نواز آخری اوور میں بولنگ کرنے آئے کیونکہ فاسٹ بولرز کے اوورز ختم ہو چکے تھے اور پاکستان کو شکست ہوئی۔ اب سوال یہ اٹھتا ہے کہ پاکستان کے پاس ہاردک پانڈیا جیسا آل راؤنڈر کیوں نہیں ہے؟ اور کیسے پاکستان بھی ہاردک پانڈیا جیسا آل راؤنڈر ڈھونڈ سکتا ہے؟

اس کا جواب یہ ہے کہ ہاردک پانڈیا جیسا آل راؤنڈر ڈھونڈا نہیں جا سکتا بلکہ ہاردک پانڈیا جیسا آل راؤنڈر بنانا پڑے گا پاکستان عبدالرزاق کے جانے کے بعد سے ہی ایک ورلڈ کلاس فاسٹ بولنگ آل راؤنڈر کی کمی محسوس کر رہا ہے۔ ایسا ورلڈ کلاس آل راؤنڈر بنانے کے لئے پاکستان کو کھلاڑیوں میں انویسٹ کرنا ہوگا اور ایک کھلاڑی جس کا نام ہمیں سمجھ آتا ہے وہ ہے “حسن علی” ہم جانتے ہیں کہ حسن علی آؤٹ آف فارم ہونے کی وجہ سے ٹیم سے باہر کیے گئے تھے۔ لیکن ان کی قابلیت پر کسی کو شک نہیں ہونا چاہیے کیونکہ انہوں نے پہلے بھی پاکستان کو میچز جتوائے ہیں۔

حسن علی کے پاس ہاردک پانڈیا جیسا کانفڈینس بھی ہے وہ بیٹنگ سے ہارڈ ہٹنگ کرنا بھی جانتے ہیں لیکن پی سی بی کو ان پر کام کرنا پڑے گا ان کی فٹنس میں بہتری لانے کی ضرورت ہے کچھ جان بنائیں گے تو ان کے گیم میں بہتری آئے گی اور کوچز ان کی بیٹنگ کی تکنیک پر کام کریں اور ان کی بولنگ میں بھی بہتری لائیں۔ انہیں ڈومسٹک اور لیگ کرکٹ میں بھی اوپر کے نمبروں پر کھلایا جائے تاکہ ان کو اننگز بلڈ کرنا آئے۔ جس طرح کے وہ کیریکٹر ہیں وہ کبھی ہار نہیں مانتے اور جب حسن پوری طرح تیار ہو جائے تب اسے قومی ٹیم میں واپس لایا جائے۔

Sharing is caring!