آخری اوور میں بولنگ کرنا نواز کا کام نہیں ہے۔۔پاکستان ایک بولر کم کھلا رہا ہے، اس کھلاڑی کو ٹیم میں لائیں یہ کام آسکتا ہے۔۔ شعیب اختر

آئی سی سی ٹی ٹوئنٹی کرکٹ ورلڈکپ 2022 سپر 12 مرحلے کے میچ میں بھارت نے پاکستان کو 4 وکٹوں سے شکست دے دی۔ ویرات کوہلی نے میچ وننگ اننگز کھیلی اور پاکستان کے منہ سے میچ چھین لیا۔ شعیب اختر نے ویرات کوہلی کی تعریف بھی کی اور پاکستان کے محمد نواز کو آخری اوور کروانے کے فیصلے پر بھی لب کشائی کی۔

انہوں نے کہا کہ پاکستان نے اچھا کھیلا لیکن ویرات کوہلی کو مبارک ہو۔ پاکستان ایک بولر کم کھلا رہا ہے آپ کو دبئی میں بھی یہی مسئلہ آیا تھا آپ ایک پورا بولر کھلا لیں اگر فہیم اشرف سلیکٹ ہوتے تو وہ یہ کام بخوبی کر سکتے تھے اور اگر آپ نے بولر نہیں کھلانا تو نواز کو 14 یا 15 ویں اوور میں بولنگ کروا کر فارغ کر دیں تاکہ جتنے رنز دینے ہیں وہ پہلے ہی دے دے۔ یہ کوچ مینجمنٹ اور کپتان کی ذمہ داری ہے کہ ایک بولر اور کھلائیں۔